Шаһибәрәк (мужское имя). Запись в 1943г. З.Г.Исмагиловым собственного исполнения песни, усвоенной в детстве Белорецком р-не. Песня о смелом батыре по имени Шагибарак из д. Биккул современного Абзелилского р-на, защищающем интересы бедных слоев народа, скрывающемся от преследований властей. Шагибарак был пойман, предъявив ему ложные обвинения, отправлен на ссылку в Сибирь, откуда не вернулся.

---

---

Шаһибәрәк

Уралҡайҙың бейек, ай, ҡаяһы,
Айыуҙарға төйәк тә, миңә юҡ.
Атҡайҙарға билдә иң тамағаһы.
Кешеләргә исем, миңә юҡ.

Таналыҡ ҡына буйы, ай, аҡ ҡамыш
Ҡыблаларҙан ергән ел үтмәй.
Зарланма ла башым, түгелмә йәшем,
Тыуған-үҫкән ерҙән кем китмәй.

---

Вариант. ШАҺИБӘРӘК 

Ҡыйғаҡ ҡына ҡыйғаҡ, ай, ҡысҡырған
Шоңҡар ғына тауҙың бөркөтө.
Яҫы ғына яурын, киң күкрәкле
Бикҡол ауылының егете.

Бикҡол ғына ауылы бик ҙур ауыл,
Урамдары уның тарауыл.
Шаһибәрәк ҡайтып килер ине,
Алды-арты уның ҡарауыл.

Таналыҡ та ғына буйы, ай, аҡ ҡамыш,
Ҡиблаларҙан өргән ел үтмәй.
Зарланма ла, башым, түгелмә, йәшем,
Тыуған-үҫкән ерҙән кем китмәй.

---

Вариант.

Шаһибәрәк менгән көрән үк юрға,
Аяҡтары һыймай киң юлға.
Йәшлек менән ҡылған бар эшемде
Ташлағыҙсы, ҡарттарым, бер юлға.
Саңҡ-саңҡ ҡына итеп, ай, ҡысҡырған,
Шоңҡар ҡоштар тауҙың бөркөтө.
Яҫы ғына яурын, киң күкрәкле
Бикҡол ауылының егете
Ирәндеккәй тауҙың да итәгендә
Япраҡ яра һары талдары.
Шаһибәрәк ҡасан ҡайта ла, тип үк
Илашып көтә микән балалары
Бикҡол ғына ауылы, ай, ҙур ауыл,
Урамдары уның тарауыл.
Шаһибәрәк ҡайтып килер ине —
Алды-арты уның ҡарауыл.